Shillong, May 12, 2026:: Da·ororo chasongo ba sal somoirango YouTube aro gipin Social Media-rangko jakkale, Tol·gipa koborrangko giproroatengani gimin iandakgipa kamrangko champengna aro skango jedake kakket report-ko am·sandie kobor-rangko seachim, uandakgipa bewalrangko ja·rikangchina, a·dokni Information & Public Relations (IPR) Minister Lahkmen Rymbui, Sonibar salo, World Press Freedom Day-ko Shillong-o maniani salo a·dokni kobor setimgiparang ba journalist-rangko didiangaha.

Indake, World Press Freedom Day-ko maniani salo, Tura-ni gitcham MP aro Meghalaya State Commission for Protection of Child Rights (MSCPCR)-ni Chairperson Agatha K Sangma, DIPR-ni Director BS Sohliya, gipin official-rang, Shillong Press Club (SPC), Meghalaya Editors & Publishers Association (MEPA) aro Tura Press Club (TPC)-ni dilgiparang aro member-rang bak ra·angtokaha.

Internet-ni chasongo bang·a tol·gipa koborrangko giproroatanirang batroroengani gimin, Journalism ba manderangna koborrangko on·anio mingsa rakbegipa ra·biani ong·enga, uan Meghalaya a·doko koborrangko on·anio jakgitele, kamrangko ka·na gita man·engkua ine Rymbui parakataha.

Meghalaya a·doko skang chasongonin, manderang jakgitele an·tangtangni nangnikanirangko aganna man·aia, da·oba sorkari aro media-ni gisepo meli-nangrimgrikaniko rakkina man·enga ine IPR Minister aganaha.COVID-19 sajinmani ja·man Social Media-rango ong·gija dake, tol·gipa koborrangko gipatanirang batroroahani gimin, Journalist-rangni kamrango namen simsakbatna nangengaha ineba Rymbui aganaha..

India aro a·gilsakni gipin biaprango Media-rangko champenganiko dakgenchimoba, Meghalaya a·dokode darang sorkariba Media-ko Politics-ni man·gnina jakkala dongkuja ine IPR Minister aganaha.Koborrangko taridapani gri pangnan kakketkosa on·china ua a·dokni Journalist-rangko didiangaha.

“Saoba kakketko taridape kobor on·ahaode,, unonin neng·nikanirang a·bachengronga,” Ia World Press Freedom Day-ko maniani bak gita Protection of Children from Sexual Offences (POCSO) Case-rangni bidingo report on·ani giminba jinma chanchirimangaha aro ia chanchirimanio, SCPCR-ni Chairperson Agatha K Sangma aro gipin Expert-rang, Journalist-rangna agan-talatanirangko on·angaha.