Tura, October 22, 2026: West Garo Hills aro South West Garo Hills a·jani Forest Department, West Garo Hills a·jani Baitbari sepang jolo niamgri chalaienggipa bol ratani karkanarango ba saw mill-rango jakkalenggipa machine-rang ba ostro-rangko mijal October 21 tarik Butbar salo ra·sekaha.

West Garo Hills a·jao niamgri bol ratani karkanarangko chalaienga ine kobor man·soani bakan, Hollaidanga Range Forest Officer-ni dilanichi, West aro South West Garo Hills a·jani Divisional Forest Officer (DFO)-ni ge·etaniko man·e, Belbari, Gasbari aro Sorokpara jolrango niamgri chalaienggipa bol ratani karkanarang ba saw mill-rangko sandina a·bachengaha.

Forest Official-rangni am·sandianio tong 40 rattonggimin non-sal bolrangko Belbari-oniko man·aha. Indiba adita dam niamgri jakkalenggipa bol ratani machine-rangko, Forest Official-rangni sokangna skangan, oke katsoaha ine u·iataha.

Indake forest official-rangni ra·sekgimin bolrang aro bol ratani machine-rangko ba ostro-rangko Hollaidanga Range Forest Office-ona watataha ine Divisional Forest Officer (DFO) Rupanker K. Marak, parakatenba, mikkangchiba, indake West Garo Hills a·jao niamgri chalaienggipa bol ratani
karkanarangko sandie rim·kugen aro machine-rangko nosto ka·gen ine Marak mikkrakataniko on·ataha.