Songsak, May 27, 2026 : Sombar salo warachakenggipa dolni dilgipa aro Songsak-ni MLA Dr. Mukul M. Sangma aro East Garo Hills-ni official-rang baksa Songsak-oni Mendipathar-ona re·gipa ramako aro bolchi kabatgipa Rongre dollongko re·ange niangaha.

Songsak-oni Mendipathar-ona re·gipa ramao bolchi kabatgipa Rongre dollongko ton 9-na bate jrimgipa truck garirang re·ruraengani a·sel bolni dollongko bilgriata baksana ramako nosto ka·anichi songre songbatgipa manderangna kenchakaniko nike, uandakgipa garirangko salgiparangni kosako sinjetaniko on·china, bilgrigipa dollongko aro ramarangko niroke taridapchina Dr. Mukul Sangma officer-rangko didiangaha.

Songsak-oni Barikgre-ona tarigipa PMGSY ramako taria matchotgijan department-de matchotaha ine parakaha, indiba contractor-de kam matchotkuja ine aganskaha.

Uandake department aro contractor-rang pa·sikgrike, je matchotgimin ramarangba jasani gisepon nosto ong·aha aro matchotkugijagipa ramarangko nalarang tarigija matchotate mesokgipa kamrangko niroke somoi gita motchotatchina Dr Sangma department-ko didiangaha.