Shillong, Sep 7, 2026:United Democratic Party (UDP)-ni gitcham dilgipa aro Nongthymmai-ni gitcham MLA Dr. Jemino Mawthoh, September-ni 12 tariko, BJP dolo napanggen ine koborko man·aha.

Koborni gitade, Jemino Mawthoh an·tangna chakpagiparang baksa tom·aniko ong·ate, uamangni chanchianio pangchakesa BJP dolo napgen ine parakataha.

Jemino Mawthoh, ru·uta bilsirangna UDP-ni Vice President aro General Secretary ong·e UDP dolna aro a·dokni manderangna dangdike on·ani ja·man, re·anggipa 2025 bilsini May jao, UDP doloni ong·kate kamtangko wataha. Uko 2020-2021 bilsirangna skangan BJP-o napchina okamahachim, indiba political decision ong·ani gimin ta·rakdugae napjaha, somoi sokko napna gita senge dongaiaha ine ua aganaha.

Uni BJP-o napanganichi mongsongbate da·enggipa a·dokni political realignment-rangko niate, re·baenggipa 2028 bilsini Assembly election-o a·doko party-tangko mangrakbate aro bilakbate re·dilna ba kamrangko ka·dilna gita man·gnok, ineba ua aganaha.

Uko kusi ong·bee rimchaksona Party High Command-rang Delhi-oni Shillong-ona bilongen. Unbaksana, Shillong-ni MP Dr Ricky AJ Syngkon-ni siangani ja·mano bangbang dongenggipa Shillong Lok Sabha bye election-o susana gita uko party-ni candidate-na biming mingangjolgen ineba parakataha.

Uni (Mawthoh) BJP dolo napanichi Meghalaya a·dokna namgniko ra·bachongmotgen aro bilgrigipa Meghalaya BJP-ko bilakdapatna chol ong·chongmotgen, ine BJP doloni ka·dongsoaniko parakataha.