Tura, May 27, 2026: Re·anggipa March 9 tariko Chibinang-o so·sojengjeng a·sel ong·ani bidingo badi ka·aniko West Garo Hills a·jani Pulisrang talataniko on·ataha.

Iani bidingo West Garo Hills a·jani Superintendent of Pulis (SP) Abraham T. Sangma-ni talatani gitade, Phulbari-ni gitcham, MLA SG. Estamur Mominin-ni kosako March 18 tarikon GSU Chibinang Unit-ni Joint Secretary aro GSU Phulbari Regional Unit-ni General Secretary apsan badi ka·aha. Uamangni badi ka·aniara, Chibinang bajar-o donggipa GSU Office aro dokkanrangko wa·al so·an baksa Jisu-ni Statue-ko nosto ka·aha ine uamangni badi ka·anio janapaha.

Ia badi ka·anio pangchake, Bharatiya Nyaya Sanhita (BNS), 2023 aro Meghalaya Maintenance of Public Order Act-ni ning·o Phulbari PS Case No. 12/2026!-ko segataha. Indiba ia badi ka·aniko case segatjaha ine Tura-ni MDC Bernard N.Marak-ni matnanganina Sangma talataniko on·atskaha.

Sangma-ni talatani gitade, dos dakgipa manderangko rim·aha aro ia obostani bidingo am·sandianirangko dakangenga ine parakataha.

Ia a·selni bidingo re·anggipa, April 14 tariko Tura-ni MDC Bernard N. Marak-ba ia apsan obostani bidingo ge·gipin badiko ka·dapaha. Ia badi ka·giparangko nangchongmotgipa kamrangko jako ra·e ka·china, Phulbari Pulis Station-ni Officer In-charge-na pakwatataha, ine SP talataha.

Ia minggni badi ka·giparang apsan obostani bidingo ong·ani gimin, Tura-ni MDC Bernard N.Marak-ni badi ka·gipako Phulbari Pulis Station-o Case No.12/2026-o badi ka·gimino on·dapataha.

TT. Antony baks (vs) Kerala a·dok aro gipin (2001) 6 SCC 181-ni bidingo Supreme Court-ni bichal ka·e rai on·ani gitade, apsan dakgipa obostani gimin changni chang badi ka·na man·jawa ine parakaha.

Indake ong·genchimoba, obostarangni kri niam gita dakna nanggipa kamrangko ka·enba, am·sandiani somoio chimonggimin sakkirango pangchake bichalko on·gen ine parakatenba, ia apsan obostani bidingo changni chang badi ka·aniko manderangna ma·sisretaniko ba jajaaniko on·janachina Sangma talataniko on·ataha.