GHD News

ghdnews.in

Shillong, Oct 29, 2025: Meghalaya a·doko politics-ni a·bao dingtanganiko ra·bana cholko am·engon, a·doko Trinamool Congress (TMC), bon·naba donga,ingipao Zenith M. Sangma, Monggolbar salo TMC-ni Vice President-ko wataha aro Primary Membership-oniba ong·kataha. Uandake Butbar salo, Congress dolo napangpilna miksongenga ine parakaha.

Uandake, Zenith Sangma-ni Congress dolona re·bapilaniko Congress-ni dilgiparang kusi ong·en namniksoaha.

Koborni gitade, Zenith Sangma Butbar salo Congress dolo napangpilgen. Indake uni Congress dolona re·bapilaniko, AICC-ni Meghalaya In-Charge, Dr A.Chellakumar aro a·dokni gipin dilgiparangba, Shillong-o uko rimchaksoanio dongpagen. Pa Sangma, ning·tue chanchiani ja·man, TMC-oni ong·kate, Congress dolo napangpilna kam watani chittiko Meghalaya a·dokni TMC President Charles Pyngrope-na on·angaha.

‘‘Anga TMC baksa bakrimanio namgnirangko bang·e nikjaha, indake ong·genchimoba, anga pangnan party-ni ka·rimgiparangko, aro gipin dilgiparangko mittelna sika. Anga ning·tue chanchiani ja·mano mikkangchina anga gital re·mikkanganio namgipa somoi ong·gen ine nikaha aro manderangna dangdikangkuna anga nangnikaha” ine Pa Sangma aganaha.