Tura, August 3, 2026: Batanggipa March jao GHADC-ni election-o bangal rorirang bak ra·na ba susapana man·jawa ine Tura aro Williamnagar-o dingtang dingtang Garo Hills-ni Civil Society Organisation-rang, Nokma Sanirang aro A·chik jat gimik jegalaniko dakengon, bangal rorirang manigija, GHADC election-o susana ba bak ra·na gita nomination file ka·drna re·baahani a·sel, Garo Hills-o dal·begipa so·sojengjeng ong·aha. Indake ua a·sel ong·ani ja·mano bang·a NGO-ni dilgiparang aro chadamberangko pulisrang rim·e pattoko chipaha.

Iandake ua obostao pangchake rim·ako man·gipa adita sak NGO dilgiparang aro chadamberang jamin man·e pattokoni jokako, Garo Enlightenment Society (GES) uamangko mande ra·bee rimchaksoaniko dakaha.

Uandake rim·ako man·giparangoni mitamrang pattokoni jokaha, indiba mitamrang da·onan patokoni jokkuja. Uamang A·chik a·song aro jatni namgnina duk mikchi ong·e, sorkarini kal·stekako man·gipa A·chik dedrangko pangnan gisik ra·na krachongmota ine Garo Enlightenment Society (GES) janapatenba, mikkangchi ia salko A·chik a·songni Ma·ambi (Itihas)-o dal·gipa sal ine mingna ba donna nanga ine GES dabiangaha.