Tura, Oct 31, 2026: Da·alo an·tangtabgni changa gita sapa gita, an·ching sakantian kam ka·enga. Miksonganiko name clear ong·na jotton ka·bo ine Tura-ni MP Saleng A. Sangma dolrangni manderangko didiangenba, mijao anga agana, angko interview ra·mitting somoio, Congress-de dongja zero.

Skangode, MP ingipako nikaba nikja, u·iaba u·ija, MP-ara maiko dakna man·achim. Indiba da·ororode, MP-ko mitake, tamasa dakako bang·en nikenga. Tamasa daknaba chol ong·piljok Congress MP ong·e, ong·jaode, iakoba dakna man·jawachim, ine Saleng Sangma aganaha.

MP scheme maiko dakana man·a, MP-ara maiko dakna man·a ine agane, mitake rogenga. Bilsi 47-ni MP scheme-kode agana dongkuja, anga bilsigni ata MP ong·engjok da·o, iakode mitak miknenge, nana rokkom tamasa dakenga salsisi, be·ekpila, ka·wakpila, knana sikpilja. MP mai kamko ka·na man·a ukoba ma·sitaija ia manderang, ineba ua aganaha.

Da·alo chingni dakgrikna nanggipa, State-na aro India a·songko warachakna dakgrikenga. MP maiko dakna man·a manderang u·iaba u·itokja. ‘Anga unan basakobade ka·wakpila, indiba pil·sa gita kusi ong·a,’ atleast ia manderang da·ode, MP-ko biming minge mitakna chol man·engjok. Skangde biming mingan dongsrangja. A·dokni Skotong Minister Conrad Sangma-ba bilsigittam MP ong·amingde, Conrad Sangma-ko biming mingama, agan mitakan dongja agrejok. ‘An·chingde zero MLA, inan maina kenmisie dongenga, angade u·ipilja, MDC-ba zero inan sikap tangkap mitak mikbuari dongenga u·inan man·pilja’ ine Sangma aganaha.

Indiba da·alo an·chingde plateform ge·sa donga, Congress party, ia Congress party-ni bimango an·ching jatna dakgrikna aro warachakna ine an·tangtangko kang·kare kaenga. Maina ong·gija dakako bang·en nikengjok, skango Congress name dakangahachim, indiba da·alo matnangtokenga, skango Congress dakja ine, kakketko aganode, skango PA Sangma-ba Congress, Captain Williamson Sangma, PA Sangma-ko Congress-ona rimbaa. Uni Congress-o dongmittingo bangalrangba pu·on-na man·gen ine aganaha. Ua MP ming MDC-ni dingtanganiko ma·sisrete aganama, angade u·ija. Unomitting PA Sangma maiko agana, Bangladesh-o MP-ko on·na man·ode, Garo Hills-o maina bangalko MDC on·na man·ja, ine PA Sangma-ni aganakoTura-ni MP parakataha.

Congress-ba maina mitakja Congress-ko, da·alo haiwa bachiniba bangal, bangalskana chakani gimin, bisongba mitakbugnok Congress-ko. PA Sangma Congress ine maina mitakja, angade u·inan man·pilja on·tisaba, iako aganoba an·tangtni pagipa wanggipa, apako aganpila gira dakaia. Mitakna, aganna sikja, indiba jensalo indakgipako agana sko sa·dikpila basakobade.

Da·alo an·chingde krimkro dongenga, man·anira dongja, indiba an·chingni jatko aro a·songko nosto ka·ani giminsa krimkro ong·enga. Congress-oniko mamingba man·ja darangba, gimikan minokari katangjok, da·o NPP-o donggiparang gimikan Congress-nirarasa, iako bisong mitakari dongna mikgilkon banoba siksepe donakon, angade gisikan dongsiksaka, kakketko aganna sikaia. kakketko aganosa cha·sua ineba Sangma aganaha.