Tura, Nov 1, 2026: Meghalaya-ni Anti-Narcotic Task Force (ANTF) aro West Garo Hills a·jani Pulisrang Sonibar salo gram 112.52 ong·gipa gong lak 60-ni heroin baksa sakgni manderangko Tikrikilla joloniko rim·aha.

Rim·a man·gipa manderangara, Goalpara a·jani bilsi 31 ong·gipa Shahadot Ali aro bilsi 31 ong·gipa Rejaul Islam ong·achim.
Pulisrang ua manderangoniko gari bolgni, mobile phone ge·gittam aro plastic-o chipgimin heroin-rangko rim·aha.

ANTF-ni SP Vikash Kumar-ni u–iatani gitade, ua mamlako Tikrikilla Pulis Station-o NDPS Act-ni ning·o mamlako segataha aro rim·a man·gipa sakgni manderangara, a·dok damsaoni a·dok damgipinona, pekgipa bosturangko badingsrukgipa, dal·gipa dol baksa jak dongna nanga ine chanchichipenga.

Indake drug palbadinganio jak dongpagipa manderangko am·sandienga ine pulusrang u·iataha.