Williamnagar, June 10, 2026: Garo Students’ Union (GSU) Eastern Zone (EZ) Williamnagar, Nama Bajaro niamgri nok jam rike dongdragiparangko pe·galchina dabie, East Garo Hills a·jani Deputy Commissioner-na chitti sedoataha.

Nama Bajaro niamgri biapko a·kange songdong a·chadrana jotton ka·anirangko champengatchina aro rikgimin cho·gimin nok jamrangko pe·gale galenba, biapko rongtalatchina GSU dabiangaha.

GSU Eastern Zone-ni parakatani gitade, Nama Bajarko skatang a·kangdrae songdong a·chagiparang gapahachim, indiba batanggipa salrango Garo Hills-o so·sojengjeng a·sel ong·miting somoio wate katangtokaha, uni gimin, mikkangchi ua biapo skatang songdong a·chana on·taijachina GSU, District Administration-ko didiataha.

Williamnagar Town-ni ning·o donggipa bangbang donggipa a·arango gipinnbiapni manderang skatang, re·bae niamgri songdong a·chaaniko champengatchina GSU Eastern Zone, District Administration-o dabiangaha.

Nama Bajarko name dake jako ra·enba, rongtalatchina aro Town ba Bajarko namdapatchina aro niamchi gita ua biapko name ripingchina, GSU Eastern Zone, dabiangaha.