Shillong, April 16, 2026: Garo Hills Autonomous District Council (GHADC) eleksin-ko ong·atna skang, Delimitation ba gital constituency-rangko chu·gimik taria matchotani ja·mansa GHADC)-ni eleksin-ko ong·atna tik ka·gen ine District Council Affairs Minister, Prestone Tynsong aganaha.

Governor-ni ra·chakanichi Delimitation Committee-ko songaha. Ia songgimin committee, delimitation-ni kamrangko ka·gen aro kamrang matchotani ja·manosa GHADC eleksin-ni tarikko parakatgen ineba Tynsong aganaha.

Electoral roll-rangna Special Intensive Revision (SIR)-ko dake, a·dok sorkari senggenma ine sing·on, ian da·o nanggipa ong·ja jekon ma·mong sorkarisa tik ka·gen ine Tynsong agaaha. Ian a·dok sorkarini daito ong·ja, indiba ma·mongni ge·etanirangko man·soode, je somoioba ka·na man·gen ine Tynsong parakataha.