Ampati, April 16, 2026: South West Garo Hills a·jao Tuberculosis (TB), High Blood Pressure (HBP) aro diabetes man·gipa manderangko seng·gnang ma·sina man·na gita, April-ni 15 tarik Budbar salo, Intensified Screening Drive (ISD)-ko Ampati, Deputy Commissioner (DC) Office-o ong·atangaha.

Ia Intensified Screening Drive-ko ong·ataniara, jagittamna, South West Garo Hills a·jani dingtang dingtang department aro office-rango sal 100-na TB Campaign & NCD Screening Program-ko ong·atani bak ong·a.

Ia program-ara, manderangna an·seng baljokaniko on·na gita TB, high blood pressure aro diabetes donggipa manderangko ma·sie, seng·gnang sanna bananiko on·na miksongani ong·a.
Porikkarangko ra·e niani bidingo maiba u·iatani ba dakchakanirangko nanggenchimode, joltangtango kam ka·enggipa ASHA ba ANM worker-rango sing·sandichina, jolo songdongenggipa manderangko health official-rang didiataha.

Ia screening drive-ko National Health Mission ong·atenga.