Shillong, Nov 5, 2026: Adita salrangna skang, United Democratic Party (UDP)-oni ong·kate National People’s Party (NPP)-o napanggipa, West Shillong-ni MLA Paul Lyngdoh-ko Meghalaya Democratic Alliance (MDA) 2.0 sorkarini Cabinet-o rimnappiltaiani ja·man, a·dok sorkari, adita Portfolio-rangko sualpiltaiaha.

Indake portfolio-rangko sakgittam Cabinet Minister-rangna sualpiltaiaha.

Ua portfolio-rangko a·dokni Skotong Minister Conrad K Sangma-ni ku·pattia gitan, a·dokni Governor CH Vijayashankar sualpile on·taiaha.

Cabinet Affairs Department-ni u·iatani gitade, Agriculture & Farmers Welfare aro Water Resources Department-ko Timothy D Shira-na on·aha.

A·dokni Cabinet-o rimnappiltaiako man·gipa, Paul Lyngdoh-na Social Welfare, Tourism aro Arts & Culture department-rangko on·skaaha.

Uandake sakgipin Cabinet Minister, Sanbor Shullai-na Animal Husbandry & Veterinary, Fisheries, Taxation, Legal Metrology aro Printing & Stationery department-rangko on·skaaha.