Kamrup, May 25, 2026: Assam-ni Kamrup district-o donggipa, Gobardhan Garo Gaon Chandrapur songoni bilsi 20 ong·gipa Sumita R.Marak-ni depante Jiku R.Marak-ni ja·ao namjabegipa sabisiko man·ahani gimin, da·al May 25 tariko Guwahati GMC hospital-o sanna ra·angaha ine kobor man·aha.

Uni (Jiku) ja·o namgijagipa sabisiko man·aha aro ja·a bilongen namjaha. Uko Guwahat GMC hospital-o sanna gita , tangka paisa dongjae namen neng·nikaniko chagrongenga aro re·rurae nirokna gita nokoni namen chel·a aro koros dongja ine ma·gipa aganataha.

Ma·gipani parakatani gitade, uni ja·o pari dakna skang maming mata bua aro accident ong·a dongjachim, indiba maidakgipa sabisian napaha ine ma·gipa duk ong·bee, jajrenganiko aganataha. Uni ja·ao pari a·bachengon, samrangko jakkale sanachim, indiba namchipjaha, batesa pari batroroaha.

Indakgipa obostako nokdango chagrongengon, darangba dakchakgipa dongjani gimin, ma·gipa manderangni ka·sae dakchakpaaniko nangnikenga. Uni depanteko name sanna gita maming chol dongja aro tangka paisana namen neng·nikaniko man·enga ine ma·gipa aganataha.