Chokpot, June 1, 2026: South Garo Hills a·jani Chokpot Civil Sub-Division aro Chokpot C&RD Block-ni ning·o ga·akgipa, Paromgre A·kingo donggipa, “WARI CHORA,” jekon “HIDDEN GERMS OF MEGHALAYA” ine mingachim, a·gilsak gimikon mingsing minggamako man·enga, uko re·anggipa May 23 tariko GHADC-ni CEM Dhormonath Ch. Sangma-ni jakchi “Drest Walkway & Tourist Convenience” ine Garo Hills Autonomous District Council Tourism-ni gita ong·gija biming mingjitaniko GSU Chokpot Regional Unit, raken jegalataha.

Ian A·chik a·songo damsa ong·telaigipa aro nitogipa biap ong·a aro ia biapko skangonin, ‘WARI CHORI” ine biming donmanaha, indiba maini gimin, Wari Chora-ko biming mingjite inaugration ka·na nanga. Ia biapko namdapatna aro nitodapatna sikbebeode, ong·gija bimingchi mingjitna nangja. Uni gimin, ta·raken ong·gija biming segiminko ra·galpilna nanga aro “WARI CHORA” ine bimingko donpiltaina nanga, ine GSU Chokpot Regional Unit dabiangaha.

Iandake mingsinggipa biaprangko a·gilsakna see parakatengon, simsakna nanga aro ong·gija bimingchi sena nangja, ine GSU Chokpot Regional Unit-ni President
Jish A. Sangma jegalataha.