West Bengal, May 7, 2026: BJP dilgipa, Suvendu Adhikari-ni Personal Assistant (PA) Chandranath Rath, May 6 tarikni wal 10:20 bajimango, North 24 Parganas a·jao donggipa Madhyamgram-ni Doharia jolo ma·sina man·gijagipa manderang motor bike-o re·bae silai goe chadrapanio janggi galaha.

Ia a·selara West Bengal Assembly eleksin-o BJP dilgipa cheani salgni ja·man, bilakgipa political dolan miksongmanchae a·jak sokaha, ine chanchichipenga. BJP dilgipa Suvendu Adhikari, West Bengal-ni Skotong Minister Mamata Banerjee-ko amatahani a·selsa nisan done, mande so·otna namen chanchisamsoaha, ine aganaha.

Uko gomittingo uni sambao donggipa driver-ba bilongen saknaako man·ahani gimin, uamangko bkkan Kolkata-ni SSKM hospital-ona ra·angaha. Indiba rasong gribee Rath biapon siaha.

Pulisrangni parakani gitade, chadapgipa manderang Rath-ni gariko dongdipate, uko changgittam silai goaha. Senior Pulis officer saksani parakani gitade, uko so·otna mikaongmanchaen timsoe goaha aro uko gogipa manderang Rath-ni saknaako nike katangtokaha. Indiba Rath siaha ine private hospital-o parakaha. Uamang sakgniko hospital-ona ra·angon, saksade simanaha aro sakgipin bilongbee saknaako man·aha ine doctor-rang parakaha.

BJP, West Bengal-ko TMC-ni bilsi 15-na sason ka·engako bon·atahani gimin, ia a·sel ong·aha. Indake Rath-ko chadrapaha ine kobor man·soani bakan Rath-ni jikgipa hospital-ona chawatangaha, indiba segipani manggisikosa nikeaha.

Rath, Chandipur-ni Purba Medinipur-o donggipa Local Panchayat-ni member Hasi Rath-ni depante ong·achim, ua 2018 bilsioni Suvendu Adhikari-na kamko ka·aha. Ua bilsi 20 mangna Indian Air Force (IAF)-ni officer ong·aha aro Voluntary retired ra·ani ja·mano, ua Adhikari-ni PA ong·e, executive assistant ong·enba, BJP-o napaha.

Iani bidingo pulisrang chong·mot a·selko ma·sina, CCTV footage aro gipin sakkirangko sandina a·bachengataha.

Ia a·sel eleksin ong·anichi a·doko ong·gija dake jajrengataniko ong·kataha, ine Suvendu Adhikari aganaha.