Tura, Sep 10, 2026: Tura Gan·drak Dare jolo donggipa buringo Huro mangsa Butbar pringo bilakbegipa bijoli silitingo nange siaha.

Ua jolo gimik mangsni huro-rang cha·anirangko sandirorobe, Tura a·bri ja·reko donggipa biaprangona sokbarongachim, indiba ua huro mangsnioni adita mang huro-rangde bilakbegipa bijolini silitingo nange sinaha.

Iani bidingo Wildlife official-rangni u·iatani gitade, Tura-ni Gan·drak Dare jolo, bijoli nange, sigipa hurorang ian mangbonga ong·aha.

Ia kenbegnigipa aro bilakgipa bijolini silitingrang, manderangna aro huro-rangnaba kenchakani gimin, gipin biap gita bijoli silitingrangko salskachina, MeECL department-ko didiatahachim, indiba da·onan mamingkoba dongkujaenga ine Wildlife official-rang u·iataha.