Raja A·pal/North Garo Hills, Oct 25, 2026: North Garo Hills a·jani Raja A·pal songo bilsi 18-na batgipa aro bilsi 18-ni ning·o ong·gipa chadamberangna katsusaaniko ong·atenga.

Ia katausaaniko ‘Helping Hands, International Ministry’ re·baenggipa November-ni 7 tarik pring 6 bajioni 10 pring bajiona ong·atenga. Iano bilsi 18 batgiparangna km 10 aro bilsi 18-ni ning·o km 6 ong·skagen, ine u·iataha.

Ia katsusaanio sak 2000-san bak ra·na gita man·aigen, uni gimin jemangan skang registration ba biming segatchenga, uamangnan skanggipa cholko man·chenggen.

Ia katsusaanio bak ra·na gita registration ka·ani bilsi 18 batgiparangna gong 150 aro bilsi 18-ni ning·o ong·giparang gong 100-ko registration ka·na nanggen.

Boksisrang, bilsi 18 batgiparangna skanggipa boksis gong 12,000, gnigipa gong 10,000, gittamgipa gong 7000-ko on·gen. Unbaksana me·asa sak 3 aro me·chik 3-na gong 1000 prak ka·e consolation boksisko on·gen. Apsandaken, bilsi 18-ni ning·o skanggipa boksis gong 10,000, gnigipa gong 7000, gittamgipa gong 5000-ko boksis man·skagen.Uandaken me·asa sak 3 aro me·chik sak 3, gimik sak 6-na gong 1000 prak ka·e consolation boksisko man·gen, ine parakataha.

Iano bakko ra·ani bon·kamgipa, sal ba tarik November 6 tariko ong·gen. Iani bidingo talbate ma·sina sikgenchimode, ka·mao on·atenggipa, mobile number 7630095416-o call ka·e sing·atna gita man·gen, ineba u·iataha.