Rongara, Sep 11, 2026: Bristibar salo, South Garo Hills a·jani Rongara Middle English Skulni kal·chakramo CM Connect program-ko ong·atangaha. Ia program-ko ong·atanichi, songni nokni manderang, an·tangtangni nanganirangko aro neng·nikanirangko a·dokni Skotong Minister-na ba sorkari official-rangna u·iatna gita cholrangko man·gnok.

Ia program-ko ong·ataniara, manderangni janapna nangenggipa dingtang dingtang nanganirang aro neng·nikanirangko ta·rake nirokatchina a·dokni Skotong Minister, dingtang dingtang sorkari department-ni official-rangna ge·etaniko on·na gita man·gen.

Ia program-ko ong·atanio, Rongara C&RD Block-ni ning·o donggipa dingtang dingtang songni manderang, ringani chirangko man·jaengani gimin aro rama jal·langrang namjani gimin, skul nokrang namjani gimin aro uandake dingtang dingtang neng·nikanirang aro nanganirangko janape on·atokaha. Ia nanganirangko ta·raken niatchina, a·dokni Skotong Minister, sorkari official-rangna ge·etaniko on·angaha.

Indake, ua tom·anio Skotong Minister Conrad K Sangma, jinmana aganprakangengon, manderangni janapatgipa nanganirang aro neng·nikanirangko ta·rakede namatna ba chu·sokatna man·janaba donga, indiba manderangni neng·nikanirangko namatna gita sorkari krenge kamko ka·gen ine ku·rachakangaha.

Unbaksana, Skotong Minister, ma·giparangna aro bi·sa bakgitchakrangna dingtangmancha bosturangko suale on·angjolaha. Uandaken apsan bosturangko gipin biaprangoba suale on·angna am·enga, ine ua aganaha.

Ia CM Connect Program-ko ong·atanio Rongara-Siju-ni MLA Rakkam A Sangma, Chokpot-ni MLA Sengchim N Sangma aro gipin sorkari officer-rangba dongpae bak ra·angaha.