GHD News, Imphal, Oct 22, 2035: Nagaland a·doko tom·tomaniko ra·bana gita ma·mong sorkari baksa 1997 bilsio chandal mittugrike, 2015 bilsio songgigrikanio soi ka·dilgipa National Socialist Council of Nagaland (NSCN) Ishak Muivah (IM)-ni General Secretary Thuingaleng Muivah, bilsi 50-ni ja·man, ua an·tangni atchiram songtangona re·bapilaha aro uko rimchaksona gita hajalni hajal Naga me·a me·chikrang, jattangni ganding chindingrangko gane, Ukhrul a·jani Headquarter-o tom·chimongtokaha.

Bilsi 91 ong·gipa Thuingaleng Muivah, antisamang an·tangni atchiram song Somdal-o donge, October-ni 29 tariko Dimapur-ona re·angpilgen.

Ua Somdal songara, Manipur a·dokni Ukhrul a·jao donggipa Tangkhul Nagarangni song ong·a aro ua songon Thuingaleng Muivah, 1934 bilsio atchiaha.

Indita bilsirangna a·songni kosako chakate, Nagarangna tom·tomaniko ra·bapilna gita ma·mong sorkari baksa songgigrikna kam ka·ani ja·man, ua da·o bon·kame songona re·bapilaha aro ian Nagarangna mingsa namen gisik ra·beani sal ong·aha.