Williamnagar, June 15, 2026: East Garo Hills a·jani Garo Students’ Union (GSU), Garoland State Movement Committee (GSMC), aro A·chik Holistic Awakening Movement (AHAM) Nengkra Regional Unit, niamgri walni somoio Nongalbibra-oni Nengkra gita Dainadubi-ko napake, Assam-ona koelarangko truck garirango nangana batpile gatprenba salengani gimin East Garo Hills a·jani Deputy Commissioner-na chitti sedoataha.

Motor Vehicle Act, 1988-ni dongimin niam gita koelaeangko matric ton 12-nasan on·aiachim, indiba bosturangko nangana bate, niamni kosako koelarangko salanichi rang·gitik a·sel ong·anirang batroroenga aro ramarangko nosto ka·enga, ine janapatenba, mikkangchi manderang namen neng·nikaniko man·ngen ine NGO-ang kenchakaniko parakataha.

Indake niamgri truck garirang jrimgipa bosturangko chongmotan ‘koelarangko’ walni somoio salanirangko ta·rake nirokchina aro patrollingko bariatchina gitaba, NGO-rang East Garo Hills a·jani Deputy Commissioner-ko didiataha.