Shillong, Sep 29, 2026:: Indiani Chief Election Commissioner (CEC) Gyanesh Kumar, SIR-ni niamko ga·bate kam ka·ani gimin, CEC-oni resign ka·china ba CEC-ko kam watchina MPYC dabiangaha.

Unbaksana, BJP sorkarini bilsiprako kror 2 kamrangko chadamberangna on·gen ine ku·rachakgiminko da·onaba chu·sokatkujaengani gimin aro Meghalaya a·dokoba, 2023 bilsini Assembly election-o NPP-ni Election Manifesto-o parakatgimin gita, bilsibongani gisepo lak 5 kamrangko chadamberangna on·gen ine ku·chakgipako chu·sokatkujaengani gimin, MPYC sing·doaniko dakangaha.

Ia dabianirangko chu·sokatkuja dipet aro sing·anirangna aganchakkuja dipetna, democracy-ni bewalo Meghalaya a·dokni district ge·antio jegalanirangko dakgen aro jinma re·jomanirangko dakanggen, ine MPYC-ni Padot Timjim K.Momin parakataha.