Tura, Nov 12, 2026: A·chik A·songna sea jotaniko on·na namnikgipa manderang bang·en gnang. Gisik matsramgipa adita chadamberang ku·monge seaniko bikote ‘Chigatang Magazine’ ine donnaha. Adita bilsirang re·angaha, changgni nakatatani ja·man, ia 2026 bilsiosa nakataina man·aha.

Ia chang nakatgipa Chigatang Magazine-ko Chief Advisor Ma Icylian R. Marak-ni jakchi oprakaha unia saksa Adviser Te Mathias D. Sangma baksa Editor Te Bethuel M. Sangma Chigatang Magazine-ko A·chik A·songna aro sakantinan cholko on·na oprakaha.

Ma Icylian R. Marak saksa lekka serakgipa ong·a, uni gimin sea jotaniko ripingna, gipinko didina changbegipaba ong·a. Iako oprake on·ani salo Ma Marak-ni agannani gitade, sea jotaniarango ku·tangko ripingna nangenga, unbaksana Chetgipa Schedule-o Magazine-rangko bang·en ong·katatna nangenga.

Chetgipa Schedule-o napatako man·ode, A·chik ku·sikko India gimiko jakkaltogiparangoni gamchatbatsranggipa ku·sik ong·genchim. Uni gimin ku·tangko ripingna Chetgipa Schedule-o napatahaode, ku·tangchin, IAS, IPS unia IFS porikkarango altuen bakko ra·na man·gen, ine Ma Marak aganaha.

Chigatang Magazine A·chik A·songma mingsa sea jotanio jakkaltogipa ong·china ine Ma Marak oprakani salo agannangaha.