ao Tura, Nov 9, 2026: Nangrimgimin A•chik Dol (NAD)-ni dilgiparang jekai New Tura Development Forum NTDF-ni Padot LC Momin, NAD-ni Padot David Ch.Marak, Dakchakgipa Padot Balkarin Ch. Marak, NAD-ni Jakrikra Leningreat K.Sangma, ACHIK Council-ni IT Secretary Johny A.Marak, GSMC HQ-ni Jakrikra Tony Tojrang B. Marak, Organising Secretary Jason Tekrang M. Sangma, Finance Secretary Nikcheng Ch. Marak, DIMDAM-ni Ma·dot Jaynie Ningring N.Sangma, unia gipin dilgiparang Bangladesh-ni Muslim-rangko GHADC-ni a·jao niamgri napdrae Batabari aro gipin biaprango songdongengipa manderangko ta·rake a·rikgalchina, West Garo Hills-ni Deputy Commissioner Vibhor Agarwal-ko uni dringo gronge didiangaha.

Minggipin, NAD-ni dilgiparang, DC baksa agangrikengon, gipin a·dokrangoni Garo Hills-ona napretbaenggipa cholgugarango labour office-ko donchina gitaba NAD-ni dilgiparang dabiangaha.

Batanggipa somoirango aro da·oba, rorirang A·chik a·songona niamgri napdrabae, A.chik me·chikrangko skatang kal·ake roanirang, seke katanirang, rim·sruke ra·anirang unia so·ote galanirang batroroengani gimin, uarangoniko chel·chakna aro A·chikrangko gimaatna jotton ka·aoniko naljokatna rakgipa ja·kurangko de·china NAD mol·molangaha.