Byrnihat, June 22, 2026: Da·al Sombar pringni 6 bajimango bilsi 23 ong·gipa mande saksa Byrnihat-o bijoli nange siaha.

Bilsi 23 ong·gipa Sumon Marak aro uni jikgipa Byrnihat, Nongtimmai-o donge kam ka·engachim. Ua pring 6 bajimango ripeng saksana tangka on·na gita re·angmitting somoio bijoli siliting balwana chottome, a·ao ga·ake dongako ga·dapmane, an·tangni gamchatgipa janggiko gimaataha. Sumon Marak, Goalpara Agia-oni aro uni jikgipa Williamnagar Warima-oni ong·achim.

Ua a·sel ong·na skangan songni manderang, mijal attamon bijoli siliting balwa rake chottomahani gimin, department-ni manderangko line off ka·china aganatahachim, indiba department-ni manderang, simsakjani a·sel, Sumon Marak an·tangni janggiko gimaatna nangaha ine songni manderang u·iataha.

Uandake department-ni manderang bijoli line-rangko nirok simsakjani a·sel, ua apsan songon bijoli siliting wa·ao nangchape dongenga. Uni gimin, songni manderangna kenchakani ong·enga, ineba songni manderang u·iataha.