Williamnagar, August 2, 2026: Meghalaya Boxing Association (MBA), ia August jani 5 tarikoni 7 tarikona Boxing Competition-ko East Garo Hills-ni Williamnagar-o ong·atenga. Uni gimin, bak ra·na sikgipa District Boxing Association (DBA) aro Boxer Club (BC)-rang State Elite Men aro me·chikrangna on·gipa category ge·gnio bak ra·na gita man·gen ine u·iataha.

Indiba ia boxing competition-o bak ra·giparang private ba government doctor-ni on·gipa, Fitness Certificate-ko jrimako tomitting ba kal·susamitting somoio ra·bana ba on·ena gita nanggen. Ia kal·susaanio ba Su·grikanio bak ra·gipa pilakan, Fitness Certificate-ko on·na nangchongmotgen ine MBA u·iataha.

Indiba, jemangan Fitness Certificate-ko on·na man·jachim, kal·susanio ba su·grikaniko uamangko ra·chakjawa aro bak ra·na man·jawa ine MBA-ni President Colnelius Kharhunai u·iataha.