Shillong, April 30, 2026: East Khasi Hills a·jani Sohra jolo donggipa Weisawdong Falls ba chidare sepango ta∙rakgipa chi man∙pakanggipa bilsi 15 ong∙gipa me∙chik bi∙sani manggisiko Bristibar pringo man∙pilaha.

A·selo ga∙akgipa me∙chik bi∙sa Uttar Pradesh a·dokni Firozabad songoni ong∙achim, ua Butbar salo chi man∙pakange gimaaha.

Koborko man∙soani gitade, ua jolo donggipa manderang pringni 7:30 bajimango gimagipa me∙chik bi∙sani manggisiko nikani ja·mano bakan pulisna kobor on∙atahani gimin, Pulis Search and Rescue Team, Fire and Emergency Services aro Sohra Pulis Station-ni pulisrang re∙angenba, me∙chik bi∙sani manggisiko chioniko pringni 10 bajimango ra∙dona man∙aha.

Uandake, pulisrang uni manggisiko post mortem ka∙na Sohra Community Health Centre-ona ra∙angaha.

Sianggipa me∙chik bi∙sa an∙tang nokdangni manderang baksa chuttini somoio Sohra-ona rorambaachim, indiba rasong gribee iandakgipa a∙selo ga·ake, sina nangaha. Ua Weisawdong chidare sepango jachipchang de∙na re∙angmitingo rimilsrote chibimaona ga∙akangaha aro rang·san ta·rakgipa chi uko man∙pakangaha ine koborko man∙aha.

Butbar salo pulisrang uko sandina a∙bachengaha aro Bristibar pringosa uni manggisiko man∙aha.