Tura, Oct 27, 2026: West Garo Hills a·jani Deputy Commissioner (Election), bon·kamgipa Electoral Roll-ni Special Intensive Revision (SIR) 2026-ni ning·o gital dake nipiltaigipa Electoral Roll-ko October 1 tarik 2026-o ra·chakgimin gita, October 26 tarik Sombar salo Tura-ni NIC Video Conference Hall-o tom·aniko ong·ate, political dolni dilgiparangna pakwate on·angaha.

Ia tom·aniko West Garo Hills-ni Deputy Commissioner Vibhor Aggarwal dilangaha. West Garo Hills-ni Electoral Roll Observer Rikse R. Marak-ba video conference gita bakko ra·angaha. Unbaksana Electoral Registration Officer (ERO)-rang, Assistant Electoral Registration Officer (AERO)-rang, political dolni dilgiparang aro Election Branch-o kam ka·giparang dongpae bak ra·angaha.

Ia program-o West Garo Hills-ni Deputy Commissioner, ERO, AERO aro Election Branch-o kam ka·giparang SIR, 2026-ko chu·sokatna krenge kamrangko ka·ahani gimin, de·mitelangaha. Deputy Commissioner, election official-rang aro political dolni dilgiparang SIR-ko ka·anio dakchakaniko on·anina, Electoral Roll Observer Rikse Marak mittelpilangaha.

Ia bon·kamgipa SIR-ni Electoral Roll-ko Deputy Commissioner (election), ERO aro AERO-rang baksa political dolni dilgiparangna pakwate on·angaha. Indake program-o dongpagipa sakantikon, Tura-ni Assistant Commissioner (election) Fillerborn Marwein mittelpilangskaha.