Tura, April 14, 2026: Vienna-o doka dam·aniko skie ra·gipa aro Venia Academy-ni skotong, Tura-ni Ambasal Cheran Momin, Nagaland String Orchestra baksa double bass kal·na okamatako man·aha.

“You’ll Never Walk Alone” ingipa ua concert ba ring·salrako Chumoukedima-ni Patkai Christian College-ni Bundrock Auditorium aro Kohima-ni G.Rio Auditorium-o ong·atanggen, jeon MSSM Singer-rang ba Choir-rang git ring·e mesokanggen.

Ambasal-ni violin aro double bass kal·na changaniara, Orchestral Music-o Meghalaya-ni tang·dororoaniko mesokani ong·a. Vienna-o poraia matchotani jaman, ua Venia Academy-ni gita Salgro Salaram jolo doka dam·aniko namdapatna kamrangko ka·enga, ine u·iataha.

Iandakgipa program-rang mangrakgipa doka dam·ani dakbewalrangko rikna dakchakan baksana doka dam·anina gisiko nanggipa chadamberangna didianiko on·a ineba ua parakataha.