Tura, Oct 11, 2026: Prime Minister Modi dilgipa ong·e India a·songo bilsi 25-na kingking songsalna dangdike on·aniko manianio, ‘Angan Ka Utsav’ program-ko BJP Tura City District Committee, Sonibar salo ong·ate, South Tura Constituency-ni ning·o donggipa, Anganwadi Worker-rang aro ASHA Worker-rangna dingtangmancha mande ra·aniko dakangaha.

Indake ua program-ko ong·atanio Tura-ni MDC aro BJP-ni State Vice President Bernard N.Marak mongsonggipa sokgipa ong·e bak ra·angaha aro unbaksana BJP Tura City District Committee-ni President Anish M.Sangma
Guest of Honor ba mande ra·e okamako man·e dongpaaha.

Una agreba BJP me·chikma dolni State Vice President Ma Sewina Ch.Marak, General Secretary Ma Rakhi K Sangma, Tura City District-ni President Legitha D Sangma aro BJP Tura City District Committee-ni General Secretary Raksrang A.Sangma program-o dongpae mande ra·aniko dakangaha.