Tura, Nov 3, 2026: Bilsianti manironga gita, mijal November 2 tarik Sombar salo, Garo Hills-ni dingtang dingtang biaprango donggipa Catholic bebe ra·giparang, an·tangtangni ka·sagimin nokdangni manderangko gisik ra·e bi·chakna gita, gopramrango All Souls Day-ko maniangaha.

Ia All Souls Day-ko a·gilsakni pilak biaprangon, Catholic Mondoli-rang, sianggimin manderangko gisik ra·e, Isolo bi·chakaniko dake manironga, ia salo Catholic bebe ra·giparang, a·gilsakko watanggipa an·tangtangni ka·sagimin manderangni, gopramrangko tarie, pulrangko done aro mombatirangko so·e bi·chakaniko dakronga.

Tura-ni Cathedral gopramrango, Tura-ni Auxiliary Bishop Most Rev.Jose Chirakal, Holi Water ba Rongtalgipa chiko satdape pattianiko on·angaha. Indake ia tom·anio, dingtang dingtang Parish-ni dilgiparang aro bang·a Tura songjinmani manderang bak ra·e, sianggimin janggirangna Isolo bi·chakangtokaha.