Shillong, April 17, 2026: Bilsi 2026-oni 2029 bilsiona Khasi Students’ Union (KSU) Central Executive Committee (CEC)-ni ong·atna sienggipa eleksino President, Vice President aro General Secretary post-rango darangba susagipa dongjani gimin, Computer Application-ko Graduate ong·gipa Raymond Kharjana gital President Law Research Scholar Pynkmelang Sanmiet Vice President aro Law-ko Graduate ong·gipa Reuben Anderson Najar General Secretary ong·e, KSU-ko dilanggen, ine KSU Eleksin Committee Bristibar salo parakataha

Uandake, KSU CEC-ni dongkuenggipa gipin post-rangna re·baenggipa, May 9 tariko eleksin-ko ong·atangskagen, ineba parakataha.

KSU CEC-ni Eleksin Committee, ge 10 post-rango susana sienggipa sak 38 candidate-rangni chu·gimik nomination lekkarangko tariani ba Scrutiny ka·ani, April 15 tarikon matchotaha.

Indake KSU eleksin-na lekka pu·onaniko Shillong-ni Jaiaw, Dinam Hall-o pring 7 bajioni attam 3 bajiona ong·atanggen.