New Delhi, May 13, 2026:Congress Parliamentary Party (CPP)-ni Chairperson Sonia Gandhi-ko Butbar salo Gurugram-ni Medanta Hospital-o sanna gita ra·angaha.

Koborni gitade, Congress dilgipa Sonia Gandh-ko Butbar pringo ramram surgical ka·na gita Gurugram-o donggipa Medanta, Medicity-o admit ka·aha. Uni be·eno mai sabisi donga uko porikka ra·e nianiko dakenga ine parakaha.

Hospital-o aganani gitade, Sonia Gandhi-ko Monggolbar walni 10:22 bajimangon hospital ra·angaha aro ua da·odipet name dongenga. Doctor-rang uko porikka ra·e sanna bananiko dakenga. Uni oko sabisi dongna nanga aro uni su·buko porikka ra·e nienga. Re·anggipa March 24 tarikosan, uko fever bilongani gimin, Delhi-o donggipa Sir Ganga Ram Hospital-o sanaha aro da·oba uni sabisiko sandie ba porikka ra·e nitaienga, ine doctor-rang aganaha.

Uni be·eno mai sabisi ong·enga, uko namedake ma·sikuja, jensalo pathogens gita dakgipa bacteria an·chi ramao ong·ode, uni bimang gimikan mojime donggen ine doctor-rang aganaha.

Iana skangba, re·anggipa bilsini June jao uni oko sabisi dongani giminan, uko hospital-o admit ka·aha.Uni gimin, hospital-ni gastro department uko nichokkie dongengachim. Ua apsan jaon chong·motan, 2025 bilsini June 7 tariko Sonia Gandhi-ko Himachal Pradesh-ni Simla-o donggipa, Indira Gandhi Medical College and Hospital-o sanna bananiko on·aha, ineba doctor-rang aganaha.