Baghmara, Sep 11, 2026:Batanggipa 2024 bilsini September 16 tariko South Garo Hills a·jani Cherengpara songo, National Highway (NH)-217 rama gita an·o donggipa me·chik saksako rang·gitik hospital-chi ra·angmiting somoio ambulance gari re·na man·gija rama namgijao naptomaha. Indake rang·gitik sanna bananiko ra·na nangenggipa me·chikko konta 2 mangni ja·mansa songni manderang jinma saldoatna man·aha. Indaken South Garo Hills-o songdongenggipa manderang indakgipa obostarangko chagrongna nangenga. Indake ong·genchimoba, ua ramako da·alonaba tarie on·kuja aro apsan daken ua rama namchipgija dongenga ine songni manderang suk ong·gijaniko parakataha.

National Highway (NH)-217 ramako South Garo Hills a·jani manderang re·a doanio namen neng·nikaniko chagrongna nangenga.

South Garo Hills-o songdongenggipa manderangni matnangatani gitade, political dolni dilgiparang aro uamangna kam ka·giparang politics kal·enga, ine janapatenba, bang·bata somoion tol·e namjripatna jotton ka·enga.

Indiba neng·nikaniko man·enggipa manderang aro Salgio donggipa Nokgipa Isol-de, sawa tol·a aro sawa kakket ong·a, gimikkon nike dongenga. Indake tol·gipa aro politics kal·gipa manderang papni bal bojako olna nanggen, ineba parakataha.

NH-217 ramako tarie on·china South Garo Hills-ni dingtang dingtang dolrang, changni chang dabianiko dakenba jingjengatanirangko dakahaoba, a·dok sorkari NH-217 ramako tarie on·na gisiko nangjaenga ineba songni manderang matnangataha.