Imphal, 𝗦𝗲𝗽 10, 𝟮𝟬𝟮𝟲:Delhi-ni Kilokari songjinmao Manipur-ni saksa mingsinggipa Musician Vikram Singh Chongtham-ko ma·sina man·gijagipa manderang ka·saninggija doke siatanina Vikram Chongtham-ni jikgipa Joshna Chongtham matnangataha.

Joshna-ni talatani gitade, Vikram-ara uni segipasan ong·aija, indiba nokdango donggipa bi·sarang jekai depante aro adatangni pagipa aro nokdangni saksa doka dam·aniko namnikgipa ong·achim. Nokdangni manderang uni janggi gimaanina gisiko duk ong·anirangko namatna jotton ka·oba namatna aro gilana gita man·jaenga ine Joshna aganaha.

Nokdangni manderang dos dakgipa manderangko a·jak sokna nangnikja, indiba sawamancha Vikram Chongtham-ko doke siatahachim, kakket bichalko on·chinasa dabienga ine ua aganaha.

Ia kenbegipa ong·na kragija a·sel ong·anina Vikram-ni ripengrang aro bang·a Manipur-ni manderang, uni sianganina duk mikchi ong·e kalimaniko dakengon, Vikram-ni siani a·selko namedake am·sandianiko dakchina dabiaha.

“Chinga a·jak sokna nangnikja, Chinga kakket bichalkosa nanga” ine Joshna Chongtham aganaha.