Shillong, May 01, 2026: Da·alo A·gilsak gimikon, International Workers’ Day ba Kam Ka·giparangni Salko gisik ra·enga. Ia May 1 tarikko a·gilsak gimikon, Kam Ka·giparangni Sal ba Labour Day ine donaha. A·gilsako kam ka·giparang dongjaode, Officer-rang mamgmangchi kamrang chu·sokna man·ja. Uni gimin a·dok aro ma·mong sorkari kam ka·giparangko dal·e ra·na nangchongmota aro kam ka·giparangni hajirako kakket ong·e on·na nanga.

Salanti hajira ka·e cha·giparang indita jatrang aro bilsirangna neng·skime, kamrangko ka·angahaoba, janggi tanganio bang·a neng·nikanirangko chagronga aro bang·gija man·gnirangkosan man·enga. Iarang gimikan sorkarina ba private manderangna kam ka·anio man·chapa.

A·doko aro a·songo ritchani ritcha manderang kamrangko ka·engoba, MLA-rang aro bil gnanggipa authority-rang, a·dok aro ma·mong sorkarirang, dingtangmancha, hajira kam ka·giparangko onchepe ra·a aro man·gnirangko kakket ong·e, on·skana gisiko nangja.

A·doko hajira ka·giparang ong·e, nang·ni dakgniko jrip dongaiode, nangni a·doko aro a·songo na·an ku·rang on·jaode, namgni dongjawa. Uni gimin, an·tangtangni man·gnina ku·rang on·na aro bi·na nanga.

Uni gimin, da·alonin na·a an·tangan, gisiko nange mikkangchina kakketo kam ka·e, jenaba na·a dakchakaniko on·ode, kamni kri na·simangni nokdangna aro dedrangna, Isolni ka·sae dakchakaniko man·skagen.

Na·simang ma·gipa pagiparang an·tangtangni depanterang aro demechikrangna kakketo ka·donganiko on·bo. Mikkangchi kakket ong·e ku·rang on·bo aro nangni rake kam ka·aniko gipinrangna mesokbo. Sakgipinko onai ka·nabe aro mikkangchi nangni hajira ka·e janggi tanganiko naljokatbo.