Resubelpara, April 18, 2026: Batanggipa February 7 tariko West Garo Hills Auto Association-ni Lucky Draw-ko New Tura playground ong·atanggipani gimin Social Activist saksa organizer-rangni kosako raken jegalatahaa.

Social Activist saksani jegalatani gitade, ia Lottery Ticket-ko ra·e, Prize-rangko man·gipa manderangna da·alonaba Organizer-rang on·kujaengani gimin, Tura-ni Superintendent of Pulis (SP)-na chitti sedoataha.

Uamangni Lottery Ticket-ko ra·e, manderang an·tangtangni rasongo pangchake boksisko man·ahachim, indiba organizer-rang boksisko on·gija kal·ake roanira, A·chik jatko kal·akani ong·a. Manderang tangka bon·e, lottery ticket-ko bree rasong gnanggiparang Prize-rangko man·ahani gimin, organizer-rang man·gipa boksisko ta·rake on·na nanga, ine Social Activist dabiangaha.

Ia Prize-ko man·giparangara 5-gipa Prize Maruti Celerio aro Book Prize-ni 2-gipa Scooty Ntorq-ko man·ahachim, indiba da·onan ia Prize-rangko on·kuja aro on·ns man·jaode, lottery-ko ong·atna nangja, ineba ua jegalataha.

Prize-tangko uamang claim ka·na gita bil man·a. Uni gimin West Garo Hills Auto Association Lucky Draw-ko ong·atgipa manderang, jemangan lottery-ko man·aha, uamangna kakket ong·e, boksisko on·na nanga. Indiba organizer-rang an·tangtangsa, ua gario skul bi·sa salna jakkalskaenga ine matnangataha.

Uni gimin, je prize-rangko on·gija togie cha·bokenggipa manderangni kamara ra·chakna man·gijani ong·a aro togigipa organizer-rangna rakgipa sastiko on·china chinga ja·kuko de·anggen, ine 5-gipa Prize, Maruti Celerio gariko man·gipa, parakatenba, ua an·tangni bregipa lottery ticket-ko ra·e, Organizer-rangni office-ona re·bae gariko am·oba uamang on·jaha aro office-ni address-ko dingtangate re·rurataha aro call ka·oba uamang receive ka·jaha ine parakataha.

Iandakgipa kamrangchi A·chikskako kal·steke roana nangja aro lottery-ko ong·atgipa organizer-rang, manderangna ta·rake garirangko pakwatjagenchimode, High Court-ona sokangnaba donga ine parakataha.