Tura, April 18, 2026: Pangnaba ong·ronggijagipa obostako chagrongna nangahani a·sel, GHADC election-ko dontongtani jaman, warachakenggipa dolni dilgipa aro Songsak-ni MLA Dr. Mukul M. Sangma, political dolk basegija jatko mikkango done, party hisapgija jatko ku·monge jatni nangnikaniko chu·sokatna ja·ku de·dilaha.

Indake, re·anggipa March 22 tariko MDC sakantinan chittiko seate, gital niamko ra·gate, ku·cholsan GHADC election-ko ta·rake ong·atchina sorkariko didiataha.

Civil Society Organisation-rang, A·chik a·songni manderang aro Nokma-Sanirang GHADC election-o susaenggipa candidate-rangna ST Certificate-ko nangchongmotgipa ong·atchina dabianiko chu·sokahani gimin, Dr. Mukul M Sangma-ni chittiko janapatgimin gita, GHADC election-o dingtang dingtang constituency-rango candidate ong·e, susaenggipa Trinamool Congress (TMC) tom·aniko ong·atenba ta·rake Separate Electoral Roll (SER)-ko tarie, gital delimitation-ko dakchina didiataha.

GHADC election-ko ta·rake ong·atchina, TMC-ni Convenor aro
7-Babelapara Constituency-ni candidate Richard M Marak sorkariko mol·molataha.