Tura, August 23, 2026: A·chik A·songni dingtang dingtang NGO-rang jekai GSE CEC, Tura, ACHIK, GSMC, NGCO, GES, ANYO, AAYF, ADIL, Nokma Sani Union aro DINDAM, Civil Society Organization-rang aro Senior Citizen-rang, Tura Govt. Medical College-ko Public-Private Partnership (PPP) Mode-o chalaina miksonganiko jegale chu·gimik 100% Sorkarian chalaichina dabie, a·dokni Skotong Minister-na sedoataha.

Tura Govt. Medical College ian manderangni tangkachi manderangni namgnina rikgipa sanram biap ba ge·sa mongsonggipa skie ra·ram ong·a. Ia Medical College-ko sorkarian nokgipa ong·e chalaina rikenggipa A·chik A·songni Tura Medical College aro ian A·chik a·songni mikkim rasongba ong·a. Ia kamko chalaina lekka poraiani bidingo privatize ka·ania manderangna dangdike on·ani bilko gimaataona sokatenga.

A·chik Scheduled Tribe (ST)-ni Chatro Chatrirang Reservation Quota aro Sikshani Bidingo Seokani Bilkp gimaataniba ong·a. Iako Privatize mode-ona re·aniara biaptang ba a·jatangni Scheduled Tribe (ST)-ni chatro chatrirangni reservation quota-na mikkrakataniko ra·baenga. Quota seat-rangko management-oba private category-ona ra·angania chatro chatrirangni man·gni cholko gimaatani ong·a.

A·chik A·songo donggipa ST manderangsan a·doko bang·bate donga. Medical education aro clinic-ko commercialize ba biznes ka·aniia manderangni namgnina batte lab-ko man·na skia, iani a·sel sanna banani korosrang diagnostic court, aro healthcare costs bang·batgnok.

Sorkarini rikgipa infrastructure-ko private corporate ba private company-na pakwatania democratic oversight aro public accountability-ko chonnikani ong·a. Manderangni tangkachi rikgipa assets-rang Sorkarinio bil dongna nanga.

Tura Medical College-ko private concessions-chi chalaiania Garo Hills-o bilsina bilsi kal·stapani aro jat ginchi sanani dakbewalko ra·baa. Manderang sorkarini 100% tangkachi chalaigipa aro a·songni gipin medical institution-rang baksa apsan gadangni medical college-ko man·na kragipa ong·a.

“Chingni jegalaniara saksa mangmangchi ong·ja. Batanggipa bilsio, civil society-rang memorandum-rangko on·manaha aro manderang bilaken dabiangaha” ine NGO-rang parakataha..

Tura Medical College-ko Sorkarini PPP mode-o chalaiana miksonganiko jegale jinmani namgnina champengsoani ong·a.

“Chingni bilake Dabiani
A·chik A·songo Tura Medical College-ko private company-na pakwate on·aniko ba PPP mode-o chalaianiko ra·chakna man·chongmotjawa. Sorkari, sanna-bananio nambatsranggipa doctor-rangko rimbae, Tura medical college-ko sorkarichi chu·gimik chalaina nanga” ine NGO-rang dabiangaha.

Janapgimin, Gazette Notification gita Tura Medical College-ko tangchakatna dakchakaniko on·china, Sorkari democratic-ni bilo pangchake, Tura Medical College-ko jinmani namgnina name ripingna man·gen ine ka·donge seng·tokenga, ineba parakataha.