Guwahati, August 23, 2026: All Guwahati A·chik Students Association (AGASA), mijal August 22 tariko General Election-ko ong·ate, gital Executive Committee-ko seokangaha.

Ua election-ko Guwahati-o donggipa Meghalaya House-o, democratic-ni bewalo senior member-rang, adviser-rang, college aro Guwahati University-ni chatro chatrirangni dongpaanio tom·tome ong·atna man·aha aro 2026-2027 bilsina gital Office-Bearer-rangko seokaha.

Gital seoka man·gipa office-bearer-rangara Bangrang D.Shira President, Cherian Silgrik R.Marak Vice President, Raksrang M.Marak General Secretary, Holybian A.Sangma Assistant General Secretary.

AGASA mikkangchi Guwahati-o donge poraienggipa, A·chik chatro chatrirangni namgnina apsan ku·monge, poraianiko tang·doatna aro A·chik jatni dakbewal rikbewalrangko name ripingangna, kamrangko ka·anggen ine AGASA-ni gital President Bangrang D.Shira ka·dongataniko on·angaha.