Tura, Sep 25, 2026: Meghalaya a·dok gimikon, PM POSHAN-ni Cook-Cum-Helper-ranguamangni dormahako bariatchina dabie, jingjengataniko dakengon, Garo Hills-oba da·al September 25 tarik Sukrubar salo New Tura Field-ona Garo Hills gimikni hajalni hajal Cook-Cum-Helper-rang re·bae jinma tom·dake jingjengataniko dakangaha.

Union of Cook-cum-Helper PM POSHAN Garo Hills-ni President Paul D. Sangma-ni parakangani gitade, bilsi 20 batpilangoba uamangna japrako gong 900-kosan mamong sorkarini on·enggipa dormaha chu·ongjani gimin, gong 9,000-ona bariatchina dabianiko dakenga. Salantio nanggipa bosturangni damrang tang·doahani gimin uamangna da·o on·enggipa gong 900 dormaharang chu·ongja, skul bi·sarangna cha·anirangko songe on·ana agreba, uamang bang·a kamrangko ka·na nanga ine aganangaha.

Batanggipa 2022 bilsio a·dok sorkari gong 100-oniko 1,100-ona bariatanichi chu·gimik japrako man·gni da·o 2,000 gapahachim, indiba ma·mong sorkaride gong 900-kosan on·kuaenga ine parakataha.

Indake uamangni dabianiko ma·mong sorkari knachakja ong·ode, re·baenggipa October 9 tariko Meghalaya a·dok gimikni Cook-cum-Helper tom·bimonganiko ong·atenga, uano rakbate jingjengataniko dakna tik ka·aha ineba Sangma parakangaha.