Tura, Nov 7, 2026: West Garo Hills District Administration, Hindu toromko bebe ra·giparangni Diwali manigiparangna nama sikaniko on·ataha. Indiba Diwali-o sakantian namgipa bewalko ja·rike, naljokani gnang aro samtangtango donggiparangna maming sinjetaniko on·gija manichina, West Garo Hills-ni Deputy Commissioner Vibhor Aggarwal ku·pattianiko on·ataha.

Ia chango Diwali manigiparangni boma so·anirangko champengataha. Bomarangko so·anichi bangbango donggipa balwarangko nosto ong·ata aro bomani gam·anirang manderangni be·en bimangna aro matburingna dongtogijaniko ra·baa ine parakataha.

Uni gimin, pilak songdonggipa manderangni namgnina, Diwali manigiparang rongtal an·talaniko rakkina aro naljokanina, lem aro light-rangkosan jakkale, nitoataniko dakchina DC didiataha.

Ia ge·etaniko, sakantiian ja·rikpachina aro daito gnanggiparang ong·e, mol·molaniko manipachina, manderangni an·seng baljokanina mikkanggo done, songsalni namgnina aro pattigimin a·sakni gam jinna chanchie ku·monganiko on·pachina gitaba DC didiataha.