News Delhi, July 27, 2026: India a·songo NEET-UG Paper Leak ba NEET porikkani lekkarang jokani bidingo a·song gimikni chadamberang jeggale, CJP-ni dilanichi jingjengataniko dakahani gimin, Ma·mongni Education Minister Dharmendra Pradhan Sonibar salo Education Minister-ko wataha. Uni ja·man, Union Minister Pralhad Joshi Education Ministry-ko jako ra·rikskaha.

Dharmendra Pradhan-ni seatgipa kam watani chittiko India a·songni President ra·chakaha aro Joshi-na gital Education Minister-ko ron·skaha ine Rashtrapati Bhavan-oni official parakataha.

Dharmendra Pradhan, 1997 bilsio State Level Competitive Examination paper leak ong·ani bidingo jegale, Odisha Sorkarini Secretariat a·palo jingjengataniko dakangaha. Ua somoio Pradhan an·tangba Student Activist ong·an baksana, Akhil Bharatiya Vidyarthi Parishad (ABVP)-ni dilgipa ong·achim.

Ian poraienggipa chadamberangna dal·begipa cheani ong·aha. Maina NEET porikkako seanio tik ong·jani a·sel sak 21 chadamberang janggitangko gimaataha. Ia a·sel ba obostara sorkarini a·selsa ong·a ine Cockroach Janata Party (CJP) matnangenba, Union Education Minister-ko kam watchina dabie, New Delhi-ni Jantar Mantar-o jingjengataniko dakaha. Una agreba, CJP-ni minggni dabianirang dongkuenga, ine CJP-ko bikotdilhipa Abhijeet Dipke aganenba, sianggipa chadamberang sakprakna gong kror 1 tangkako on·na nanggen aro July 20 tariko jingjengatenggipa chadamberangko doke-sate saknaatgipa pulisrangni kosako raka ja·kuko de·anggen ine parakataha.

Pralhad Josh, ma·mongni Education Ministry-ko jako ra·a baksana, Food aro Consumer Affairs-ni Union Minister ong·e kamko ka·angkuaigen, ine parakataha.

Bilsi 64 ong·gipa Pralhad Joshi 2004 bilsionin Karnataka, Dharwad Lok Sabha Constituency-ni MP ong·baaha, indake 2019 aro 2024 bilsini gisepo Ministry of Coal Mines aro Parliamentary Affairs ong·e kamko ka·baaha.

Uandake, Pralhad Joshi, Sonibar salo Education Minister Dharmendra Pradhan-ni kam wata ja·man, gital Education Minister-ni kamko jako ra·skaha.