Tura, August 21, 2026: A·dokni Cook Cum Helper Union (CCHU), ma·mong aro a·dok sorkarina sal somoiko on·e, chongmotan Ultimatum-ko parakatenba, uamangni dabia gita, uamangna on·enggipa hajirako bariatja ong·ode, re·baenggipa September 1 tarikoni sima ari dongija kam ka·aniko dontonge jingjengatgen, ine parakataha.

Da·o kam ka·giparangni jaanti hajira man·enggipa ja 10-na gong 2000-kosan bilsio changsa man·enga.Ma·mong sorioni gong 900 aro a·dok sorkarioniko gong 1,100-ko bilsio man·enga ine, CCHU Garo Hills Region-ni President Paul D.Sangma u·iataha.

Ia bang·gija tangka paisarang mamimingkoba daknan cholija, uni gimin, ma·mong sorkari gong 9000-ko on·china aro a·dok sorkari gong 1,100-ko on·skae, ja 12-na chu·gimik gong 10,000-ko jaanti, on·china Union da·o dabienga.

Ia dabianiko chu·sokatchina Union-ni dilgiparang ma·mong aro a·dok sorkarina September jana skangan dead line-ko on·manaha, uni gisepon ia dabianiko chu·sokatja ong·ode, September ja dipet sima ari dongija jingjengataniko a·bachengatgen ine Sangma parakataha.