ghdnews.in

Shillong, Nov 1, 2025: Skotong Minister-ni re·anggipa June parakatgimin gita, Chief Minister’s Scholarship Scheme (CMSS)-ko ia bilsini Krismasna skangan on·gen ine Sukrobar salo a·dokni Skotong Minister Conrad K Sangma parakataha.

Iani bidingo Social Media gita jinmana u·iatengon, chatro chatrirangna scholarship-rangko somoi gita on·na sorkari raken ja·kurangko de·enga ine a·dokni Skotong Minister parakataha.

A·dokni chatro chatrirangna scholarship-rangko on·ani namen ja·manchakengani a·sel chatro chatrirang neng·nikanirangko man·tokenga ine Sangma suk ong·gijaniko parakatenba, Chief Minister’s Scholarship Scheme-ko December jani gisepon on·gnok aro ma·mongoni watatenggipa scholarship-ni tangka paisarangko man·sona skangan a·dok sorkari CMSS-ko watatsogen ine Skotong Minister parakataha.