@Garo Hills Digital News@ website::ghdnews.in

Baghmara, Oct 25, 2025:South Garo Hills a·jani dolgni NGO-rang jedake, Association for Democracy and Empowerment (ADE) Baghmara Regional Unit aro Niksamso Garo Community Organisation (NGCO) Baghmara Regional Unit, October 24 tarik Sukrobar salo South Garo Hills-ko namdapatchina dabie segimin lekkako Tura Lok Sabha-ni Member of Parliament (MP), Pa Saleng A sangma-na on·ataha.

NGO-rangni janapatani gitade, Baghmara songjinmao karenrangko tik ong·e on·na man·jaengani gimin, MeECL Tower Line-ko on·china, MeECL department-o kam ka·giparang, chong·motan Staff-rang chu·onga gita dongjani gimin, neng·nikaniko man·enga. Una agreba, sanna bananiko on·enggipa, Medical Department-o Specialist Doctor-rang dongja, jekai Eye ENT, General Surgeon, Orthopedics, Pediatrician, Gynecologist aro sagiparangko salrurana ambulance-rang chu·onga gita dongja baksana Staff Nurse-rangba chu·ongja.

Unbaksana South Garo Hills a·jani Skotong songjinma Baghmara-o Taxation Office-ko rike ba songe on·china dabiangengon,, Baghmara-o Taxation Office donggenchimode, gipin songrangna bate Baghmara-on nambatgipa ong·gen ine NGO-rang, MP-na seatgipa chittio janapataha.