@ghdnews.in@

[Resubelpara, Jan 16, 2026] : North Garo Hills a·jani kickboxer changgipa chadambe saksa Prangkybirth M.Momin, 5-gipa changna, India a·songo ong·atenggipa International Kickboxing Tournament, 2026-o kal·susana gita seokako man·aha, ine koborna u·iataha.

North Garo Hills a·jani Prangkybirth M. Momin, re·baenggipa February 4 tarikoni 8 tarikona India a·songo ong·atenggipa, International Kickboxing Tournament, 2026-o bakko ra·anggen ine u·iataha.

Prangkybirth Momin, Resubelpara Daram Tekalang-oni ong·a. Ua batanggipa somairangoba dingtang dingtang biaprango ong·atgipa kickboxing tournament-o kal·susae, medal-rangko man·aha. Ua International Kickboxing Tournament-rango bakko ra·na man·anichi, A·chik jatna namen katchabeani ong·an baksa mikkim rasongba ong·a.

Ia 5-gipa changna ong·atenggipa International Kickboxing Tournament, 2026-ko India a·songni skotong songjinma New Delhi-o sokachakenga, ineba u·iataha.