@ghdnews.in@

Ampati, Jan 8, 2026: South West Garo Hills a·jao donggipa Thakunbari A·khing Nokma, Assam a·dokni gipin jat saksa Amjad Hussain minggipana a·a palako knae, Ampati-ni dolsa Civil Society A·chik Welfare Organization (CSAWO)-ni dilgiparang ua biapona re·ange am·sandianiko dakeaha.

CSAWO-ni am·sandie man·ani gitade, Thakunbari A·king Nokmani Amjad Hussain-na, Sixth Schedule-ni niamko pe·e a·ako palaha ine ma·sina man·aha. Indake A·king Nokma niamgri gipin jatrangna a·a palani bidingo namedake am·sandianiko dakchina badi ka·e, GHADC-na lekka sedoataha.

Indake A·king Nokma niamni kosako ong·gija kam ka·ahani gimin dingtangmancha, District Council-ni dongimin niamo pangchake Thakunbari A·khing Nokma Minondro Arengh aro uni jikgipa Panrilla M. Sangma-ni kosako rakgipa ja·kuko de·china CSAWO-ni President Tryans Ch Marak dabiangaha.