Shillong, Nov 4, 2026: Garo Hills Autonomous District Council (GHADC)-ni sakgittam Trinamool Congress (TMC), MDC-rangko, National People’s Party (NPP)-ni dilgiparang, Butbar salo Shillong Party Office-o rimchaksoaha.

Ua sakgittam TMC MDC-rangni NPP-o napanganichi GHADC-o sason ka·enggipa NPP-ni MDC-rang da·o sak 21 gapaha.

NPP-o napanggipa sakgittam TMC MDC-rangara, Kharkutta-ni MDC Cherak W Momin, Balachanda-ni MDC Agassi R Marak aro Williamnagar-ni MDC Alphonsush R Marak ong·a.

Ua sakgittam MDC-rangko NPP nokdangona rimchaksoanio Meghalaya a·dokni Skotong Minister aro NPP-ni National President Conrad K Sangma, Deputy Skotong Minister Prestone Tynsong aro sakgipin Deputy Skotong Minister Sniawbhalang Dhar, PHE Minister Marcuise N. Marak, gipin Minister-rang, MLA-rang aro party-ni dilgiparang dongpaaha.

Ua MDC-rangko rimchaksoanio a·dokni Skotong Minister tom·anio aganprakengon, ia sakgittam MDC-rangni NPP-ona re·baaniara party-na gisik ra·beani sal ong·a aro uamangni re·baanichi NPP dol mangrakbataniko man·gnok ine ua an·tangni kusi ong·aniko parakangaha.