Tura, Oct 27, 2026: A·dokni Skotong Minister Conrad K.Sangma, sani tangkachi helicopter-o songreenga, ine Tura-ni MDC aro BJP-ni State Vice President Bernard N.Marak sing·doatenba, Garo Hills Autonomous District Council (GHADC)-o kam ka·giparangni man·kugijagipa ja 30-ni dormaharangko man·na ka·donge senggtokengon, Meghalaya-ni Skotong Minister Conrad Sangma-de, manderangni tangkako jakkale, council election-na helicopter-o re·roroe, tangkarangko koros ka·skaenga ine Bernard N.Marak matnangataha.

Marak-ni parakatani gitade, budepa butchimarangni pension-rangko aro segri pagri me·chikrangni man·gni tangkarangko skang on·chengna nanga, indiba uamangna on·ani pal an·tangsa manderangni tangkachi helicopter-o songree roskaenga.

Uni helicopter-o songreani badita koros ong·aha aro manderangni tangkarangko badita jakkalaha, mamingba donnuani gri jinmao parakchina Marak dabiangaha.

“Manderangni nangnikaniko on·vhengna nanga, political-ni namgnina ong·ja, manderangni namgnina skanggipa cholko on·na nanga. Kam ka·giparang, uamangni man·gni dormaharangko aro pension-rangko man·na nanga, Skotong Minister, dam rakani helicopter-o songrena nangja” ine Marak janapataha.

Manderangni jakchi seokako man·e, manderangko kal·akna nangja. Manderangna kakketo dangdike on·na nanga aro manderangni nangnikako chu·sokatna nanga ineba Tura-ni MDC parakataha.